YLE Colloquia Latina

Soter Amicis ad Pontificem epistulam scribentibus s.p.d.

Optime Amice ...............,
gratulor tibi de tuo magno studio et de tua laudabilissima diligentia in epistula ad Pontificem scribenda, sed, ut verum dicam, mihi videris, interdum, - absit iniuria verbis! - non satis ducere Sodalium sententias ( ! ) et aliquid adnotare velim (meas emendationes grandioribus litteris et meas explicationes in uncis [ ] scribo).

Summo Pontifici et Domino reverendissimo Papae Benedicto XVI amici litterarum Latinarum reverentiam et amorem.

Sanctissime in Christo Pater, Domine honoratissime!

Cum Sanctitatem Vestram constantissima benevolentia sermoni Latino favere pro certo habeamus, epistulam hanc humillimam benigne acceptum iri speramus.

Nos linguae Latinae studiosi, qui ex compluribus Orbis terrarum regionibus in INTERRETE [prima maiore littera] [interrete (Anglice internet) haud opus est dicere Anglice] convenientes Latine colloqui solemus, COMPARATA FACULTATE A RADIOPHONIA FINNICA GENERALIS [vexata quaestio: firme iniustum habeo nos non mentionem facere Illorum, quorum gratia hic sumus!!)(http://chat.yle.fi/yleradio1/latini/index.php) , firme adhuc credebamus Sanctam Sedem esse quasi propugnaculum asylumque Latinitatis ultimum, ubi quippe lingua Latina non modo in usu esset, sed etiam sermo Ecclesiae ut vocatur officialis haberetur.

[Quo maiore cum dolore] MAGNO CUM DOLORE [ad “homoiophoniamâ€

Mercurius Soteri s. d.

Quae in litteris tuis, mi Soter, emendari iussisti, in textu ex magna parte confeci, ac litteras ad inscriptionem papalem emisi. Nunc iam responsum est nobis exspectandum. Vale. Budae, d. V. Id. Mai.

Gratias nunc maximas agamus Mercurio, sodali nostro in rebus gerendis acerrimo.

Soter Amico clarissimo Mercurio Hungarico et optimis Amicis Sodalibus
s. p.d.


Optime Mercuri,

gratias maximas tibi ago pro tuo laudabilissimo studio et pro tua summa constantia in epistulam ad Sanctum Pontificem Benedictum XVI (non, scilicet, XVI !!) scribendam profusis: diligentiae tuae gratia, navis, demum, in aquam deductast!
Quaeso, attamen: potesne, si vis, nobis Sodalibus monstrare, ut nobis monumentum nostrae industriosae praesentiae in Foro “Colloquia Latinaâ€

Martinius Lusitanus omnibus s.d.
Ego ipse catholicus sum, sed nec mediocri quidem laetitia affectus sum novi Pontificis causa. Habitus eius enim mundi moderni respectu videtur mihi non ex prudentia sed ex amaritudine aliqua ortus esse. Deus ei subsidium det!

M. Favonius Soteri s.d.p.
Nunc demum, honestissime mi amice, perspicio, qua de causa notam illam „MMV“ falsam esse putaveris. In nuntio tuo 3006 haec leguntur verba: „ad Sanctum Pontificem Benedictum XVI (non, scilicet, XVI !!)“: Recte dicis „non... XVI“; qua enim nota nihil aliud significatur nisi “XVIo“ sive „sexto decimo“. Scribi oportebat „Benedictum XVI (sive XVIum)“. Te non intellexisse reor illud „“ esse o litteram. Quid censes?
Vale. V Id. Mai. Ad Cornicum Campum.

Soter optimo Amico Marco Favonio s.p.d.

Carissime et clarissime Amice mi Marce,
sempre libenter tua doctissima verba lego et etiam nunc tuas acutissimas adnotationes legens summa admiratione adficior.
Nonnulli, vero, solent adiungere notis numerorum Latinorum signum “ â€

Marcus Soteri suo s.d.p.
Magni sane duco beneficii loco, doctissime mi amice, quod non es gravatus epistolio meo respondere, idque omni tua cura atque sedulitate. In argumentis enim tuis tanta vis inest et auctoritas, ut plane intellegam notas illas „MMV“, „XVI“ &c., si non horribiles, attamen supervacaneas esse et obsoletas. Ceterum iuvat aliquando etiam in minimis pusillisque occupatum esse .
Valeto quam optime.
IV Id. Mai. Ad Cornicum Campum.

Mercurius sodalibus suis carissimis s. d.

Pluribus iam hebdomadis ante litterae a nobis communiter concinnatae in inscriptionem papalem sunt emissae: nihil vero responsi datum est. Fieri vero potest, ut illa inscriptio (benediktxvi@vatican.va), quod Marcus invenit, nonnisi ad congratulationes accipiendas sit creata, ac qui eas legeret, nostra verba non intellexerit. Etiam fieri potest, ut epistolae electronicae in Sancta Sede non tanti aestimentur, neglectiusque illae tractentur. Epistolam ergo "traditionalem" nobis esse mittendam censuerim, quae iam haud praetermitti poterit. Sed quis vestrum potest inscriptionem Sanctae Sedis "postalem" indagari? In pagina enim domestica Vaticana frustra eam quaerebam.
Quod gravius est: non solum rogare, sed etiam praebere aliquid in illa epistola debemus. Diligenter enim nos designemus oportet, quae partes, quae verba, sententia etc. in Latinum convertenda putemus; ac etiam opiniones nostras, quomodo hoc aut alterum vocabulum sive expressio Latine reddenda, demonstrare poterimus. Aut, ne frustra laboremus, in prima epistola satis est solummodo auxilium nostrum polliceri, si propositum approbatum erit. Quid de his omnibus censetis? Valete. Budapestini, d. III. Non. Iun.

Marcus Erico, Iuliae, Mercurio, Soteri ceterisque sodalibus pariter omnibus salutem.
Equidem nihil nobis responsi adhuc redditum esse acerbe fero. Quid faciamus?
(I) Ac primum quidem inscriptionem interretialem a me propositam ( benediktxvi@vatican.va sive benedettoxvi@vatican.va etc.) officialem inscriptionem pontificiam esse pro certo habeo. Meminerimus autem, quot quantique nuntii cottidie ad Pontificem novum afferantur; tempus ergo Sedi Apostolicae ad respondendum dari oportet.
(II) Deinde cum Budapestini (ut ceteris in capitibus) suspicer esse Nuntiaturam quae vocatur Apostolicam sive Nuntii Apostolici sedem, etiam per eum Nuntium litteras nostras ad Pontificem perferri posse arbitror.
(III) Tum Ericus Palmén, Nestor noster amplissimus, ad nos hodie exemplar retractatum misit earum litterarum, quas Mercurius ad Ponticem scripserat. Quas litteras retractatas Nuntio Apostolico tradendas esse censeo.
(IV) Postremo esse nego, cur Sedem Apostolicam Latine doceamus.
Vos his de rebus quid censetis?
Optime valete. Pridie Nonas Iunias. Crefeldiæ.

Iulia ceteris sal.
assentior.

Soter optimis Amicis Erico, Iuliae, Marco et Mercurio s.p.d.


Carissimi,
de novis litteris ad Sanctum Pontificem scribendis epistulam electronicam vobis hodie mittam.
Probo, tamen, quod Marcus scripsit locis I) et IV) in nuntio 3175, sed arbitror melius etiam exspectare Sanctae Sedis responsum epistulae electronicae quam misimus.
Valetote.
SOTER
Pridie Nonas Iunias - Neapoli

Mercurius sodalibus s.

Recte dixit Marcus epistolam per nunciaturas ad papam emittendam. Certe est in Hungaria nunciatura apostolica, sed ego, qui reformatus, sive Helveticae confessionis sum, nihil amplius de ea scio. Si quis vestrum plus efficere in patria sua potest, negotium litterarum mittendarum ille suscipiat. Si nemo, et ego amicos meos Romano-catholicos de ea re consulere potero...
Linguam Latinam docere patres Sanctae Sedis nolo: tantum scripsi auxilium meum in prima epistola offerendum: quod auxilium oblatum haud scio an grato animo patres accepturi sint, pluribus aliis curis occupati.

Valete. Budapestini, Non. Iun., animo tristissimo: hesterna enim dies fuit anniversarium 85. pacti istius Trianoniensis (1920), secundum quod pactum, aut rectius dictatum duae partes, id est, 2/3 pars patriae nostrae Hungariae a nobis crudeliter avulsae, plurimaque milia Hungarorum (plus quam 3, 300, 000!) sub potestatem alienorum tyrannorum subacta. Iustitiam date Hungariae!

M. Favonius sodalibus, imprimis Mercurio Hungarico s.d.p.
Antequam Nuntii Apostolici auxilio utamur, „tempus ... Sedi Apostolicae ad respondendum dari oportet“, ne nimia festinatione inverecundi esse videamur.
Ceterum his ipsis diebus neminem nostrum reor esse, quin se socium ad Hungaros contumeliose tractatos adiungat.
Valete. Nonis Iuniis.

Mercurius sodalibus s. d.

Esto: exspectemus responsum, sed fieri potest, ut frustra illud exspectemus. Quid? quod haud dubium est, quin nullum responsum detur illis litteris gratulatoriis ad istam inscriptionem electronicam (benediktxvi@vatican.va etc.) missis - quarum numerum esse maximum crediderim -; quam ob rem metus mihi est, ne etiam epistola nostra, etsi non gratulatoria, sed persuasoria habenda, simul cum ceteris nonnisi "gratulatoria" reputetur, ac deleatur. Valete. Budapestini, d. VIII. Iduum Iunii.